Die Banken auf der Schnitzelbank

«Hai daas git e Moorgeschtraich»: Die Banken auf der Schnitzelbank

Auch dies ein klares Anzeichen dafür, dass die Finanzkrise langsam verblasst: An der Basler Fasnacht 2011 ist die Finanzwelt nur noch ein Randthema – nachdem sie sich in den Vorjahren nicht über einen Mangel an Beachtung beklagen konnte.

Hier einige Schnitzelbängg, die es nicht ganz bleiben lassen konnten......

Bi dr Novartis gniesse d'Zolli-Affe artgerächti Haltig
Verdiene sich Banaane als Berooter fir d'Verwaltig
Das deent grotesgg – e Wältkonzärn wo gmanaged wird vo Affe
In dr UBS isch's no veruggter – deert dien Bängger schaffe

Die Gzalzene

Fir dass s'Schaffe fir e Bängger ooni Booni looni
Isch dr Fixloon zwaimool heecher – und daas längi nooni
Bi dääre Uusgangslaag hän mir uns gfroggt:
Isch dr Zanni doch no gärn uff em Bänggli ghoggt

Die Unerheerte

Wird dr Baschi uff e Bundesblatz aane gstellt
Waisch dass au fir iin no jeede Rappe zellt
Zämme sammle alli fir die dritti Wält
S isch scho uff em Wääg nach Irland – s'Sammelgäld

Die Verlumpte

Dr Frangge isch schtargg, dr EURO isch schwach
Jetze hänn mir mit de Schwoobe Grach
«Mir kommed nicht mehr in di Schwiiz
Des isch zu teuer s'hot koi Reiz»
Jä – macht das nur uns ischt das glaich
Hai daas git e Moorgeschtraich

Babberlababb

D Iire hän sich giirt und schlittere in d'Gryyse
Nimme zaale kenne d'Grieche, d'Spanier, d'Portugyyse
D'Staatsfinanze brenne sit Wuche ungeniert
Z'Baasel hän si so s'Frigo Kielhuus warm saniert.

Die Unerheerte